SIMBA YAENDA KAMBI S.AFRICA KWAAJILI YA MAANDALIZI YA MECHI DHIDI YA YANGA

Kikosi cha Wekundu wa Msimbazi
kimebadili muelekeo na sasa
kinatarajia kuondoka nchini leo,
Jumatano kuelekea Afrika Kusini kwa
ajili ya kuweka kambi kujiandaa na
mechi ya mzunguko wa kwanza dhidi
ya watani wao jadi, Yanga
utakaochezwa Oktoba 18, mwaka huu
kwenye Uwanja wa Taifa jijini Dar es
Salaam.
Awali NIPASHE ilifahamishwa kwamba
Simba ingekwea pipa kuelekea
Muscat, Oman kwa ajili ya kambi
hiyo, lakini ghafla ikabadili muelekeo
huo.
Kikao cha Wajumbe wa Kamati ya
Mashindano kilichokutana juzi jioni
ndicho kilichofikia maamuzi hayo
baada ya kuwa na mapendekezo
mawili ya kuipeleka timu Oman au
Afrika Kusini kujifua.
Akizungumza na gazeti hili jana,
kiongozi mmoja wa klabu hiyo yenye
makao makuu mtaa wa Msimbazi,
Kariakoo jijini, alisema kuwa timu
hiyo itaweka kambi ya siku 10 katika
jiji la Johanesburg.
Taarifa kutoka ndani ya klabu hiyo
zinaeleza kuwa awamu ya kwanza ya
wachezaji wataondoka jijini leo jioni
na kundi la pili ambalo litakuwa na
wachezaji walioko katika kikosi cha
timu ya Taifa (Taifa Stars) kitaondoka
Jumapili usiku.
Taarifa zaidi zinaeleza kwamba
huenda timu hiyo ikiwa Afrika Kusini
itacheza mechi moja ya kirafiki ya
kimataifa na klabu mojawapo
inayoshiriki Ligi Kuu ya nchi hiyo na
taratibu za kupata mchezo huo
zimeshaanza.
"Timu itaondoka kesho (leo) jioni na
itarejea siku moja kabla ya mechi,"
alisema kiongozi huyo.
Alisema kuwa wanaamini kambi hiyo
itasaidia kuimarisha kikosi chao na
sare walizopata hazijawakatisha
tamaa.
Simba ina pointi tatu baada ya kupata
sare tatu mfululizo katika mechi zake
zilizotangulia dhidi ya Coastal Union
ya Tanga, Polisi Morogoro na Stand
United kutoka mkoani Shinyanga.
Yanga yenyewe itashuka dimbani
ikiwa na kumbukumbu ya ushindi wa
mabao 2-1 walioupata dhidi ya JKT
Ruvu ya Pwani na Prisons, lakini
wakiwa na doa la kichapo cha 2-0
kutoka kwa Mtibwa Sugar ya
Manungu, mkoani Morogoro katika
mechi ya ufunguzi wa ligi hiyo.
Awali mechi hiyo ya watani wa jadi
ilipangwa kufanyika Oktoba 12 lakini
ikasogezwa mbele na Shirikisho la
Soka Tanzania (TFF) ili kupisha
maandalizi ya timu ya Taifa (Taifa
Stars) kuikabili Benin katika mchezo
wa kirafiki wa kimataifa.

PHIL AAHIDI MABADILIKO YA SIMBA

Simba itakayoingia Uwanja wa Taifa
kucheza mechi yake ya tatu ya ligi
kuu ya Bara dhidi ya Stend United leo
baada ya sare mbili mfululizo itakuwa
kama mpya, kocha Patrick Phiri
amesema.
Akizungumza na gazeti hili jana, Phiri
alisema katika mchezo wa leo
atafanya mabadiliko kwenye kikosi
chake ili kuweka uwiano kati ya ulinzi
na mashambulizi kwenye kikosi.
Phiri alisema "Tumechoshwa na
matokeo ya sare" na kwamba
amefanya marekebisho kwenye kikosi.
"Kama utakuwepo uwanjani utaona.
Lengo ni kuiimarisha timu ili kuleta
ushindi."
Kocha huyo Mzambia alisema ushindi
kwenye mchezo wa leo utawarudisha
wachezaji wake 'kwenye njia' baada
ya sare za nyumbani za 2-2 dhidi ya
Coastal Union na 1-1 dhidi ya Polisi
Morogoro.
"Baada ya mchezo dhidi ya Stand
United tutakutana na wapinzani wetu
(Yanga)... nimewaambia wachezaji
tunahitaji ushindi kabla hatujakutana
nao."
Simba ambayo inapewa nafasi kubwa
ya kufanya vizuri msimu baada ya
kumridisha Phiri aliyeipa ubingwa bila
kupoteza mechi mwaka 2010, ipo
pointi nne nyuma ya timu mbili
viongozi mabingwa watetezi Azam na
Mtibwa Sugar.
Aidha, aliwataka mashabiki wa timu
hiyo kutokata tamaa na timu yao
kwani Simba ni timu nzuri na makosa
ya yanayoonekana yanarekebishika na
kuomba kupewa muda kwa wachezaji
wake.

KLA

Klabu za ligi kuu ya Bara zinakusudia
kupeleka katika mkutano mkuu wa
shirikisho la soka (TFF), hoja ya
kutokuwa na imani na rais Jamal
Malinzi.
Klabu hizo, kupitia kwa wakili Dk.
Damas Ndumbaro, zilisema jijini jana
kwamba zitakusanya theluthi mbili ya
kura za wanachama wa TFF ili
kuitisha mkutano mkuu na kupeleka
hoja mbili, ikiwemo hiyo ya
pendekezo la kumng'oa rais
madarakani.
Mkutano mkuu wa TFF una madaraka
ya kumuondoa rais madarakani
kikatiba.
Mbali na hoja ya kutokuwa na imani
na Malinzi, pia klabu zitawasilisha
hoja ya kutaka kufanyike ukaguzi wa
hesabu za fedha za TFF zinazotolewa
na wadhamini wa ligi kuu tangu
kuingia madarakani kwa Malinzi,
Ndumbaro alisema.
Hatua hizo zinafuata baada ya klabu
hizo kuiagiza Bodi ya Ligi Kuu (TPLB)
kutokubali makato ya ziada ya
asilimia tano ya fedha za wadhamini.
TFF imedai inataka kupeleka fedha
hizo kwenye mfuko wa TFF wa
maendeleo ya soka ya vijana.
Akizungumza na waandishi wa habari
jijini jana, Ndumbaro alisema klabu
hazikubali makato ambayo TFF
imeagiza.
"TFF inapata fedha nyingi zaidi ya
vilabu kwa mwaka," alisema
Ndumbaro. "Kwa mfano katika
udhamini wa Azam TFF peke yake
inaingiza zaidi ya milioni 400 huku
vilabu vikiingiza milioni 331.
"Lakini bado katika fedha hizo ndogo
wanazopata vilabu TFF wanataka
kuzikata... kimsingi wateja wangu
(klabu) hawakubali na wanalipinga
suala hili."
Aidha, Ndumbaro alisema kukatwa
Sh. 1000 kabla ya kodi katika mapato
ya kila tiketi iliyotumika kuingia
uwanjani ni hujuma inayofanywa na
TFF kwa serikali, klabu na chama cha
mapinduzi kinachomiliki viwanja vingi
vya soka nchini.
Alisema serikali inadhulumiwa kwa
kodi kutolipwa kwa Mamlaka ya
Mapato (TRA) na hivyo kurudisha
nyuma maendeleo ya nchi na ya klabu
za ligi kuu.
Ndumbaro alisema kugomea kucheza
ligi kuu ni moja ya njia ambazo klabu
zimepanga endapo muafaka
hautapatikana.
Ndumbaro alisema klabu zipo tayari
kukutana na TFF kwa muzungumzo.

TAMBWE AMTANGAZIA VITA KAVUMBAGU

Mfunguji bora wa Ligi Kuu ya
Vodacom Tanzania Bara (VPL) msimu
uliopita, Amissi Tambwe amesema
ataanza 'kumshika' kinara wa mabao
kwa sasa Didier Kavumbagu kesho
wakati Simba itakapoivaa Stand
United kwenye Uwanja wa Taifa jijini
Dar es Salaam.
Kavumbagu, mshambuliaji wa Azam
FC na timu ya taifa ya Burundi
'Entamba Murugamba', anaongoza
safu ya wafumani nyavu akiwa
amefunga mabao manne katika mechi
mbili za mwanzo ambazo mabingwa
hao watetezi walishinda 3-1 dhidi ya
Polisi Morogoro na 2-0 dhidi ya Ruvu
Shooting.
Hata hivyo, Tambwe katika mahojiano
na chanzo chetu  jijini Dar es Salaam jana
alisema zawadi ya mfungaji bora
itatua tena kwake na ataanza
kufukuzana na Kavumbagu katika
mechi ya kesho.
"Ninaona ametangulia tu, Simba kwa
sasa imeimarika, ninaamini tutaanza
kushinda kwa magoli mengi kuanzia
mechi inayokuja," alisema.
"Kikosi chetu kimeanza vibaya
kutokana na matatizo kidogo ambayo
tuliyazungumza kwenye kikao na
uongozi jana (juzi). Kazi yangu ni
kufunga, nitafunga zaidi yake,"
alisema zaidi Tambwe.
Raia huyo wa Burundi anayesifika kwa
kufumania nyavu, alijiunga na Simba
Agosti mwaka jana akitoka kuipa
ubingwa wa Kombe la Kagame klabu
ya Vital'O ya kwao, Burundi.

COUNTINHO,JERRY TEGETE KUONGOZA KESHO

Mbrazili Coutinho na Jerry Tegete
watakuwa miongoni mwa wachezaji
wa Yanga watakaoanza pambano la
kesho la ligi kuu ya Bara dhidi ya
Prisons, kwenye Uwanja wa Taifa,
kocha Marcio Maximo amesema.
Akizungumza na Nipashe jana,
Maximo alisema anataraji wachezaji
hao wataleta mabadiliko ya kiuchezaji
Yanga na kupata ushindi baada ya
kuanza kwa kufungwa na Mtibwa
Sugar wiki iliyopita.
"Nimefanyia kazi mapungufu
niliyoyaona (katika mchezo wa
kwanza) lakini furaha yangu ni
kurejea kwa washambuliaji Tegete na
Coutinho ambao naamini wataongeza
nguvu na kutuletea ushindi kwenye
mchezo wa Jumapili (kesho),"
alisema Maximo.
Uwepo wa Coutinho, Tegete na
Mbrazili mwingine 'Jaja' kwenye safu
ya ushambuliaji na kucheza kwenye
Uwanja wa Taifa kunampa Maximo
moyo wa kuibuka na ushindi wake wa
kwanza nchini kama kocha wa klabu
ya ligi kuu ya Bara.
Maximo ambaye alikuwa mwalimu wa
Taifa Stars kwa miaka minne tangu
mwaka 2006, amesema beki wa
kushoto Oscar Joshua aliyeumia
kwenye mchezo dhidi ya Mtibwa na
mshambuliaji Hussein Javu
hawatacheza.
Wote wanauguza maumivu ya nyama
za paja.
"Wachezaji wengine wote wapo katika
hali nzuri na naamini wataniletea
ushindi."
Kukosekana kwa Joshua kunatarajiwa
kumfanya Maximo amrudishe Mbuyi
Twite kucheza beki ya kushoto.
Maximo ambaye pamoja na timu yake
wanapewa nafasi kubwa zaidi ya
kutwaa ubingwa wa Bara msimu huu,
alishindwa kuzuia mwendelezo wa
rekodi mbaya dhidi ya Mtibwa kwenye
uwanja wa Jamhuri kwa miaka ya
karibuni timu yake ilipofungwa 2-0.

TANZANIA YASHUKA VIWANGO FIFA

Tanzania imeporomoka tena kwenye
viwango vya soka vinavyotolewa kila
mwezi na Shirikisho la Soka la
Kimataifa (Fifa), baada ya kuanguka
kwa nafasi tano katika viwango
vilivyotolewa jana.
Tanzania, ambayo ilifungwa 2-0 na
Burundi katika mechi ya kimataifa ya
kirafiki iliyopita, sasa inakamata
nafasi ya 115 duniani na 33 barani
Afrika ikiwa nyuma ya Uganda
wanaoongoza Afrika Mashariki
wakiwa nafasi ya 79 duniani na 19
Afrika, Rwanda walioko nafasi ya 93
duniani na 25 Afrika na Kenya
walioporomoka kwa nafasi saba
wakiwa nafasi ya 30 Afrika na 111
duniani.
Aligeria waliopanda kwa nafasi nne,
wanaongoza barani Afrika wakiwa
nafasi ya 20 duniani wakifuatwa na
Ivory Coast walioshuka kwa nafasi
tatu baada ya kukubali kichapo cha
mabao 4-1 kutoka kwa Cameroon
waliopanda kwa nafasi 12 na
kukamata nafasi ya nane Afrika na 42
duniani.
Nafasi ya tatu barani Afrika inakaliwa
na Tunisia (31) wakipanda kwa nafasi
11 wakifuatwa na Ghana (33), Senegal
(36), Nigeria (37) na Cape Verde (41).
Guinea waliopanda kwa nafasi 16
wanakamata nafasi ya tisa barani
Afrika na 48 duniani huku Burkina
Faso waliopanda kwa nafasi 10
wakifunga pazia la 10 bora barani
Afrika wakifungana na Guinea katika
nafasi ya 48 duniani.
Uganda pia ni wa kwanza katika
Ukanda wa Cecafa wa Afrika Mashariki
na Kati wakifuatwa na Rwanda,
Kenya, Tanzania, Burundi, Ethiopia
(39, 132), Sudan (40, 133), Shelisheli
(47, 172), Sudan Kusini (50, 185),
Eritrea (52, 202), Somalia (53, 204)
huku Djibouti wakifunga mlango
Cecafa na Afrika wakiwa 54 Afrika na
205 duniani.
Mabingwa wa dunia, Ujerumani
wanaongoza 10 bora ulimwenguni
wakifuatwa na Argentina, Colombia
waliopanda kwa nafasi moja
wakiwashusha Uholanzi, Ubelgiji,
Brazil, Uruguay, Hispania, Ufaransa
na Uswis.

OKWI ADAI KUA YANGA WATATULIA TU

Licha ya kupika mabao yote ya Simba
katika mechi yao ya kwanza ya Ligi
Kuu ya Vodacom Tanzania Bara (VPL)
msimu huu waliyotoka 2-2 dhidi ya
Coastal Union kwenye Uwanja wa
Taifa, Dar es Salaam juzi,
mshambuliaji Emmanuel Okwi
amesema hakuwa katika kiwango
chake.
Okwi, aliyejiunga na Simba dakika za
mwisho kabla ya kufungwa kwa
dirisha la usajili msimu huu akitoka
Yanga, alisababisha mabao yote ya
Simba juzi licha ya mashabiki wa
Yanga kumzomea mwanzo mwisho
jambo analoamini muda si mrefu
watatulia baada ya kurejea katika
makali yake.
Bao la kwanza la Simba lilipatikana
baada ya Okwi kukwatuliwa nje ya
mstari wa eneo la hatari la Coastal
Union, hivyo adhabu hiyo kuzaa
matunda kupitia kwa mpigaji Shabani
Kisiga kabla ya Mganda huyo tena
kutoa pasi ya mwisho ya bao la pili
kwa mfungaji bora wa VPL msimu
uliopita, Mrundi Amissi Tambwe.
Kisiga alifunga kwa 'frikiki'
iliyomshinda kipa wa Coastal, Shaban
Kado wakati mabao ya mabingwa hao
wa Tanzania Bara 1988 yalifungwa na
mtokea benchi Lutimba Yayo na
mshmbauliaji wa zamani wa Gor
Mahia ya Ligi Kuu ya Kenya, Rama
Salim.
Mara tu baada ya mechi hiyo
iliyochezeshwa na refa Jacob Adongo
kutoka Mara kumalizika, Okwi
aliliambia NIPASHE kuwa bado
hajafikia katika kiwango chake cha
kusakata soka.
“Mara nyingi sipendi kuzungumzia
kiwango changu binafsi kuliko cha
timu, tulicheza vizuri kipindi cha
kwanza na Coastal walicheza vizuri
kipindi cha pili,” alisema Okwi.
“Sijafurahishwa sana na kiwango
nilichoonyesha leo (juzi), nitajitahidi
kuongeza mazoezi ili mechi ijayo
niisaidie timu yangu kupata ushindi,”
alisema zaidi Mganda huyo ambaye
muda wote wa mechi ya juzi alikuwa
akizomewa na mashabiki wa Yanga
waliokuwa wameingia uwanjani
kutazama mechi hiyo.
Alipoulizwa juu ya zomea zomea
inayofanywa na mashabiki wa Yanga
dhidi yake, Okwi alisema: “Sina muda
nao, mimi nimeshakuwa mchezaji
halali wa Simba, mambo yote
kuhusiana na Yanga hayanihusu.
Ninaamini nitakapokuwa katika
kiwango changu, hawatanizomea
tena,” alisema.
Okwi, mchezaji wa zamani wa SC Villa
ya Ligi Kuu ya Uganda na Etoile du
Sahel ya Tunisia, amejiunga na Simba
baada ya uongozi wa Yanga
kuwasilisha nyaraka katika Shirikisho
la Soka Tanzania (TFF) zikionyesha
kuwa mkataba wake wa miaka miwili
na nusu na klabu hiyo ya Jangwani
aliousaini Desemba 13, mwaka jana,
umevunjwa.

MAGOLI 18 LIGI KUU YASHINDWA KUVUJA REKODI

Magoli 18 yamefungwa kwenye mechi
saba za ufunguzi wa Ligi Kuu
Tanzania Bara iliyoanza Jumamosi
iliyopita, lakini yameshindwa kuvunja
rekodi ya magoli ya msimu uliopita.
Kwenye mechi za ufunguzi wa Ligi
Kuu msimu uliopita jumla ya magoli
19 yalipatikana.
Ligi ya msimu huu imeanza kwa Azam
FC kuitandika Polisi ya Morogoro
mabao 3-1, Mtibwa Sugar kuichapa
Yanga mabao 2-0, Stand United ya
kutandikwa nyumbani mabao 4-1
dhidi ya Ndanda FC kutoka Mtwara,
wakati Mgambo JKT ya Tanga
iliifunga Kagera Sugar bao 1-0.
Mechi nyingine ilikuwa ni Ruvu
Shooting kupata kipigo nyumbani cha
mabao 2-0 kutoka kwa Prisons ya
Mbeya, Mbeya City kulazimishwa sare
ya bila kufungana dhidi ya JKT Ruvu,
huku Simba ikibanwa mbavu katika
sare ya 2-2 dhidi ya Coastal Union,
hivyo kuzaa mabao 18.
Magoli 19 ya mechi ya ufunguzi
msimu uliopita kwa mujibu wa
kumbukumbu zetu yalipatikana kwa
Yanga kuinyuka Ashanti mabao 5-1,
Mtibwa kutoka sare ya bao 1-1 dhidi
ya Azam, JKT Oljoro ikainyuka
Coastal Union mabao 2-0, Mgambo
ikachapwa 2-0 dhidi ya JKT Ruvu,
Simba ikatoka sare ya mabao 2-2
dhidi ya Rhino ya Tabora, Mbeya City
ikatoka sare ya bila kufungana dhidi
ya Kagera Sugar na Ruvu Shooting
ikaitandaika Prisons mabao 3-0.
Katika hatua nyingine, mchezaji wa
Mgambo Shooting Ramadhani Pera
ameweka rekodi ya kuwa mchezaji wa
kwanza kufunga bao kwenye Ligi kuu
alipofunga bao pekee dhidi ya Kagera
Sugar katika dakika ya 12 kwenye
raundi ya kwanza ya ligi hiyo
Jumamosi.
Mabao yote yaliyopatikana kwenye
mechi nyingine yalifungwa baada ya
dakika hizo.
Shaaban Kisiga wa Simba anashikilia
rekodi ya kufunga bao la mapema
zaidi katika dakika ya saba dhidi ya
Coastal katika mechi ya kufunga
raundi ya kwanza Jumapili.

TIKETI ZA KIELEKTRONIKI ZAANZA KUJIBU

Mfumo wa tiketi za elektroniki katika
mechi za soka nchini umeanza kuzaa
matunda baada ya jana Shirikisho la
Soka Tanzania (TFF), kuweka wazi
kwamba mapato ya milangoni
yameongezeka.
Akizungumza na waandishi wa habari
jijini Dar es Salaam jana mchana,
Mkurugenzi wa Mashindano wa
shirikisho hilo, Boniface Wambura,
alisema utumiaji wa tiketi za
elektroniki umefanikiwa kudhibiti
hujuma za mapato ya milangoni
kwenye viwanja ambavyo tayari
vimeshasimikwa mfumo huo.
Wambura alisema kwa sasa wanapata
mapato halisi ya mechi husika
kulingana na idadi ya watu waliokata
tiketi.
“Hatutarudi nyuma katika hili,
tutaendelea kutumia tiketi za
elektroniki kwenye viwanja vyote
vilivyosimikwa mfumo huu,” alisema
Wambura na kuongeza: “Kuna viwanja
kama CCM Kirumba jijini Mwanza na
Sheikh Amri Abeid jijini Arusha vina
mfumo huu lakini havitumiwi na timu
za Ligi Kuu.
Tutahakikisha mechi za Ligi Daraja la
Kwanza zinazochezwa kwenye
viwanja hivyo vinatumia tiketi za
elektroniki ili watu waishio katika
majiji hayo pia wauzoee.”
Mkurugenzi huyo alisema watu wote
wanaojaribu kuingia viwanjani kwa
kutumia tiketi feki wamekuwa
wakinaswa kwa kutumia mashine za
utambuzi wa tiketi za elektroniki
(PDA), hivyo kwa sasa hakuna mtu
anayeingia kwenye viwanja vilivyo na
mfumo huo akitumia tiketi bandia.
Akitangaza mapato ya mechi za wiki
iliyopita za Ligi Kuu ya Vodacom
Tanzania Bara (VPL), Wambura
alisema yameongezeka kwa kiasi
kikubwa, sababu kubwa akisema ni
matumizi ya mfumo wa tiketi za
kisasa za kielektroniki.
Wambura alisema mechi ya Mtibwa
Sugar dhidi ya Yanga iliyochezwa
kwenye Uwanja wa Jamhuri mjini
Morogoro Jumamosi na kumalizika
kwa wenyeji kuibuka na ushindi wa
mabao 2-0, imeingiza Sh. milioni 59
kutokana na viingilio vya mashabiki
11,499 waliokata tiketi za Sh. 5,000.
Mapato hayo ni ongezeko la Sh.
milioni 12 ikilinganishwa na mapato
ya mechi kati ya timu hizo kwenye
uwanja huo msimu uliopita.
Aidha, Wambura alisema kuwa mechi
ya Simba dhidi ya Coastal Union
iliyochezwa kwenye Uwanja wa Taifa
jijini Dar es Salaam Jumapili huku
timu hizo zikitoka sare ya mabao
mawili, imeingiza Sh. milioni 124.7
zilizotokana na viingilio vya
mashabiki 22,114 waliokata tiketi
kuingia kwenye uwanja huo wenye
uwezo wa kuketisha watazamaji
57,558.
Simba na Coastal Union ziliingiza Sh.
milioni 36.8 zilipokutana katika mechi
ya ligi hiyo kwenye uwanja huo
msimu uliopita.
Utumiaji wa tiketi hizo za kielektroniki
ni utekelezaji wa mapendekezo
yaliyomo kwenye ripoti ya Kamati
Maalum ya Kudhibiti na Kuboresha
Mapato ya TFF iliyotolewa 2011 na
agizo la serikali lililotolewa katikati
ya mwaka huu.
Mei 2011 Kamati Maalum ya Kudhibiti
na Kuboresha Mapato ya TFF
iliyoongozwa na Rais Mstaafu wa
shirikisho hilo, Leodegar Tenga, ilitoa
ripoti yenye kurasa 95 ikionesha
uhujumu mkubwa wa mapato
utokanao na matumizi ya tiketi za
kawaida, hivyo kamati ikapendekeza
TFF ianze kutumika tiketi za kisasa za
kielektroniki.
Aidha, Juni mwaka huu, serikali
iliiagiza Mamlaka ya Mapato Tanzania
(TRA) kuiiamuru TFF kutumia mfumo
wa tiketi za kielektroniki kwenye
viwanja mbalimbali vya soka nchini ili
kudhibiti uhujumu wa mapato ya
milangoni.
Akiwasilisha taarifa ya Kamati ya
Bunge ya Uchumi, Viwanda na
Biashara kuhusu utelezaji wa
majukumu ya Wizara ya Fedha na
Uchumi kwa mwaka wa fedha 2014/15
Bungeni mjini Dodoma Juni 4, mwaka
huu, mwenyekiti wa kamati hiyo,
Luhaga Mpina aliitaka TRA kutoa
sharti kwa TFF kutumia mfumo wa
tiketi za elektroniki ili kuongeza
mapato ya nchi.
"Kamati inashauri TRA iweke sharti la
lazima la kuitaka TFF kutumia mfumo
wa tiketi za kielektroniki katika kuuza
tiketi zake ikiwa ni jitihada za
kuongeza mapato ya serikali," alisema
Mpina.
Mbunge huyo wa Kisesa (CCM),
alisema kwa muda mrefu serikali
imekuwa haipati mapato ya kutosha
kutoka katika sekta ya michezo
hususan mpira wa miguu ulio chini ya
TFF kutokana na mfumo dhaifu wa
ukusanyaji fedha kipindi cha kuuza
tiketi.

KIONGERA KUIKOSA YANGA

Mshambuliaji Paul Kiongera wa
Simba huenda akaikosa mechi ya
kwanza dhidi ya watani wao wa jadi,
Yanga msimu huu wa Ligi Kuu ya
Vodacom Tanzania Bara itakayopigwa
kwenye Uwanja wa Taifa jijini Dar es
Salaam Oktoba 12 baada ya kuumia
goti katika mechi iliyopita.
Kiongera alitokea benchi dakika ya 67
akichukua nafasi ya mfungaji bora wa
msimu uliopita, Mrundi Amissi
Tambwe, lakini dakika mbili kabla ya
mechi hiyo waliyotoka 2-2 dhidi ya
Coastal Union kumalizika, Mkenya
huyo alilazimika kumpisha Amri
Kiemba baada ya kugongana na kipa
Shaaban Kado wa Coastal na kuumia.
Taarifa zilizolifikia NIPASHE jana
kutoka ndani ya uongozi wa Simba
zilieleza kuwa Kiongera ameumia goti
na jana alipelekwa Hospitali ya Taifa
Muhimbili kufanyiwa vipimo.
Mmoja wa viongozi wa Simba (jina
tunalo) alisema mchezaji huyo ana
maumivu sugu ya goti hilo baada ya
kuumia awali akiwa kwao, Kenya.
Kiongozi huyo alisema Kiongera
anaweza kuwa nje ya uwanja kwa
muda wa kati ya wiki sita hadi miezi
miwili kabla ya kuanza mazoezi
mepesi, hivyo hatacheza mechi ya
Oktoba 12 ya watani wa jadi Simba na
Yanga.
Alibainisha kuwa kumeibuka hali ya
wasiwasi ndani ya Simba kwamba
huenda hawakufanya uamuzi sahihi
kumsajili Mkenya huyo kabla ya
kumfanyia vipimo vya afya.
Majeruhi wengine wa Simba ni beki
wa kushoto Issa Rashid ‘Baba Ubaya’
aliyeumia nyama za paja wiki mbili
zilizopita mazoezini, ambaye
inaelezwa kuwa yuko katika wiki ya
mwisho ya mapumziko na winga
Haruna Chanongo aliyeumia goti pia
Jumapili wakati wakichuana na
Coastal. Imeelezewa kuwa Chanongo
atakuwa nje kwa siku nne tangu
kuumia kwake.
Habari njema zaidi kwa Simba kwa
sasa ni kurejea kwa kiungo
mpambanaji Jonas Mkude, ambaye
Daktari wa Simba, Yassin Gembe
amesema anaweza kuanza kucheza
hata Jumamosi dhidi ya Polisi
Morogoro endapo kocha atampanga.
“Ni uamuzi wa kocha tu, lakini ukweli
ni kwamba Mkude yuko fiti kabisa
kwa sasa na anaweza kuanza
kucheza, uzuri ni kwamba pamoja na
kuwa nje kwa muda mrefu, lakini
hajaongezeka uzito,” alisema Gembe.
Mkude hajawahi kuichezea Simba
chini ya kocha aliyerejea kwa mara ya
tatu nchini kuinoa timu hiyo,
Mzambia Patrick Phiri. Katika mechi
iliyopita kiungo Mrwanda Pierre
Kwizera alicheza nafasi ya Mkude
lakini alionekana wazi kutoimudu.
Baada ya Chanongo kuumia, winga
Uhuru Seleman aliingizwa lakini
baada ya mechi kumalizika huku
Coastal wakirudisha mabao yote,
Phiri aliweka wazi kwamba pengo la
Chanongo halikuzibika ipasavyo.
Kikosi cha Simba kilirejea tena
kambini visiwani Zanzibar kujiandaa
kwa mechi yao inayofuata Jumamosi
dhidi ya Polisi Morogoro.

YANGA NI SHIDA TUPU

Baada ya kukubali kipigo cha mabao 3-0 katika mechi ya Ngao ya Jamii juzi kwenye Uwanja wa Taifa, Kocha Msaidizi wa Azam, Kally Ongala, amefunguka na kueleza kuwa timu yao ilizidiwa kiufundi katika mechi hiyo.

Akizungumza na NIPASHE mara baada ya mechi hiyo, Ongala alisema makosa yaliyojitokeza watayarekebisha kabla ya kuanza kwa msimu mpya wa ligi ambapo wao wataanza kampeni ya kutetea ubingwa wao dhidi ya Polisi Morogoro kwenye Uwanja wa Azam Complex.

"Ni bora kufungwa leo kuliko kufungwa kesho, hii itatusaidia kurekebisha makosa kabla ya kuanza kwa ligi, kwa kweli walituzidi kiufundi," alisema Kally ambaye marehemu baba yake alikuwa mwanamuziki maarufu nchini.

Aliongeza kuwa, kupoteza kwa mechi hiyo haiashirii kikosi chao kitaanza vibaya msimu wa ligi.

Katika mechi hiyo Azam ilimkosa nahodha na mshambuliaji wake mahiri, John Bocco, ambaye alikuwa majeruhi.

Kwa upande wa Kocha Mkuu wa Yanga Mbrazil Marcio Maximo, yeye alitamba kuwa kikosi chake kina nafasi ya kutwaa ubingwa wa Ligi Kuu ya Soka Tanzania Bara kutokana na kiwango kilichoonyeshwa na wachezaji wake katika mchezo huo.

Hata hivyo, Maximo alisema licha ya mshambuliaji mpya wa timu hiyo kutoka Brazil, Genilson Santana 'Jaja', kufunga mabao mawili ya kwanza, bado mchezaji huyo anahitaji muda zaidi kujifunza soka la Tanzania. 

Maximo alisema amefurahishwa na kiwango kilichoonyeshwa na wachezaji wake hasa katika kipindi cha pili ambacho kilizaa mabao yote matatu.

Alisema anaamini kwa kiwango hicho, Yanga itaweza kurejesha ubingwa ambao ilipokonywa msimu uliopita na Azam ya jijini Dar es Salaam na timu hiyo iliyokuwa chini ya Mholanzi, Hans van Pluijm na msaidizi wake, Boniface Mkwasa. 

Kocha huyo alisema kikosi chake kinajipanga kukabiliana na ushindani na changamoto mbalimbali kutoka kwa timu zote zinazoshiriki ligi hiyo ya Bara yenye timu 14.

"Nina furaha sana leo (juzi), tumeshinda na hii inamaana kwamba kikosi kiko tayari kuanza kusaka ubingwa wa ligi, tumefunga kurasa ya kuufikiria mchezo wa Ngao ya Jamii, tunawaomba mashabiki wa Yanga waendelee kutuunga pia katika mechi za ligi zinazotarajiwa kuchezwa Morogoro, Kagera na Mtwara," alisema Maximo.

Alisema Jaja na mshambuliaji mwingine wa timu hiyo, Andrey Coutinho, wanahitaji muda wa kujifunza vitu mbalimbali vya hapa nchini vya kiufundi, chakula na mazingira kama ambavyo wachezaji Watanzania wanavyokwenda kucheza soka la kulipwa nje ya nchi.

"Sasa akili yetu ni kuanza kampeni mpya ya kujiandaa na mechi dhidi ya Mtibwa Sugar, tunaanza mazoezi rasmi Jumanne (leo) kwa ajili ya mchezo huo ambao utakuwa ni mgumu kutokana na wachezaji pamoja na kocha wao (Mecky Maxime) wananijua na kuufahamu mfumo wangu," alisema Maximo.
 

Kocha simba amwingilia MAXIMO

MARCIO Maximo amefunga mjadala kwa kutamka kwamba Deo Munishi ndiye kipa

SHARE THIS STORY

namba moja wa Yanga, lakini kocha wa makipa wa Simba, Idd Pazi amesema kuwa kati ya makipa wote Tanzania anayestahili kuwa namba moja ni Juma Kaseja.

Pazi alisema kuwa katika nafasi hizo kunakuwa na makipa wa aina mbili, kipa mwenye kipaji na kipa wa mazoezi huku akimtaja Kaseja kuwa ni kipa mwenye kipaji.

Alisema kuwa mbali na kuwa na kipaji, lakini Kaseja ni kipa anayejituma bila kukata tamaa japo amekuwa akipewa tuhuma mbalimbali kutoka kwa mashabiki.

“Sijawahi kuona kipa mzuri kama Kaseja, kwanza ana kipaji, anajitambua na hata ukikutana naye mara nyingi mazungumzo yake ni soka na maendeleo yake katika hilo, ni kipa ambaye yupo wazi kutaka kujua jambo litakalomsaidia,” alisema.

“Makipa Tanzania wapo wengi, lakini wengi wao ni makipa wa mazoezi kwamba afanye sana mazoezi ndipo alinde kipaji chake.

“Lakini hiyo ni tofauti kabisa kwa Kaseja, nimemfundisha na hata sasa hivi huwa anahitaji kufundishwa pale anapokuwa na muda wa ziada, hivyo unaona kabisa kwamba huyu ni kipa mwenye malengo.

“Ndiyo maana ninasema Kaseja ndiye namba moja nchini.”

Alisema kuwa wengi wanadai umri wa Kaseja umekuwa mkubwa ndiyo maana kiwango chake kimeshuka, lakini yeye alisistiza kuwa kipa huyo ana miaka zaidi ya miwili katika soka.

“Hapa Simba kuna huyu kijana Manyika Peter, kama hatalewa sifa na akajitambua naye atafika mbali kama Kaseja,” alisema Pazi.

bofya hapa kuungana nasi facebook

Je wajua jinsi makundi ya CHAMPIONS LEAGUE yalivopangwa? Bofya hapa ucheki

Hatimaye ligi ya mabingwa wa Ulaya
imeanza kwa kupangwa kwa makundi
ya michuano hiyo ambapo tukio la
upangwaji wa makundi haya
umefanyika kwenye jiji la Monaco,
Ufaransa na mpango wote ndio
umekua hivi.

Kundi A
Atletico Madrid
Juventus
Olympiakos
Malmo

Kundi B
Real Madrid
Basel
LIVERPOOL
Ludogorets

Kundi C
Benfica
Zenit St Petersburg
Bayer Leverkusen
Monaco

Kundi D
ARSENAL
Borussia Dortmund
Galatasaray
Anderlecht

Kundi E
Bayern Munich
MANCHESTER CITY
CSKA Moscow
Roma

Kundi F
Barcelona
Paris St-Germain
Ajax
Apoel Nicosia

Kundi G
CHELSEA
Schalke
Sporting Lisbon
Maribor

Kundi H
Porto
Shakhtar Donetsk
Athletic Bilbao
Bate Borisov

Ungana nami kwa kubofya
Facebook.     Instagram

UEFA REJECTS real madrid's Xabi Alonso APPEAL

The midfielder will sit out the Super Cup clash with Sevilla after his suspension for celebrating during the Champions League final was upheld

The Uefa Appeals Body has rejected Real Madrid's appeal against Xabi Alonso's one-match suspension for a "breach of general rules of conduct".

The Spain international was sanctioned for running down the sidelines to celebrate Gareth Bale's goal in Los Blancos' 4-1 win over Atletico Madrid in the Champions League final in May.

Madrid challenged the ruling but the Uefa Appeals Body has upheld the original decision, meaning Alonso will sit out Tuesday's Super Cup clash with Europa League winners Sevilla.

The midfielder had been forced to sit out Madrid's meeting with Atleti in Lisbon after picking up a booking in his club's semi-final second-leg win over Bayern Munich at the Allianz Arena.

Consequently, he had been consigned to the touchline for the final. However, Alonso set off down the touchline in celebration when Bale put Madrid 2-1 up in extra-time, resulting in a one-game ban for the 32-year-old.

Los Blancos were also fined £14,000 for picking up five bookings in the final, as well as the "improper conduct" of their supporters, who were found to have set off fireworks during the tournament decider.